అచ్చుత మిమ్ముదలచేయంతపని వలెనా
యిచ్చల మీవారే మాకు నిహపరా లియ్యగా

మిమ్ము నెఱిగినయట్టిమీదాసుల నెఱిగే_
సమ్మవిజ్ఞానమే చాలదా నాకు
వుమ్మడి మీసేవ సేసుకుండేటివైష్ణవుల_
సమ్ముఖాన సేవించుటే చాలదా నాకు।

నిరతి నీకు మొక్కేనీడింగరీలకు
సరవితో మొక్కుటే చాలదా నాకు
పరగ నిన్ను బూజించే ప్రసన్నుల బూజించే_
సరిలేనిభాగ్యము చాలదా నాకు।

అంది నీకు భక్తులై నయలమహానుభావుల_
చందపువారిపై భక్తి చాలదా నాకు
కందువ శ్రీ వేంకటేశ కడు నీబంటుబంటుకు
సందడిబంటనవుటే చాలదా నాకు ।