అదె చూడరే మోహన రూపం
పది కోట్లు గల భావజరూపం // పల్లవి //

వెలయగ పదారువేల మగువలను
అలమిన ఘన మోహనరూపం
వలచిన నందవ్రజము గొల్లెతల
కులుకు చూపులకు గురియగురూపం // అదె చూడరే //

ఇందిరా వనితనెప్పుడు తనవుర
మందు నిలిపిన మోహనరూపం
కందువ భూపతి కౌగిట సొంపుల
విందులు మరిగిన వేడుకరూపం // అదె చూడరే //

త్రిపుర సతుల భోధించి రమించిన
అపురూపపు మోహనరూపం
కవురుల శ్రీ వేంకటపతియై ఇల
ఉపమించగ రాని వున్నతరూపం // అదె చూడరే //