అదె వచ్చె నిదె వచ్చె నచ్యుతుసేనాపతి
పదిదిక్కులకు నిట్టె పారరో యసురలు // పల్లవి //

గరుడధ్వజం బిదె ఘనశంఖరవ మదె
సరుసనే విష్ణుదేవుచక్ర మదె
మురవైరిపంపు లవె ముందరిసేన లవె
పరచి గగ్గుల కాడై పారరో దానవుల // అదె వచ్చె //

తెల్లవి గొడుగు లవె దేవదుందుభులు నవె
యెల్లదేవతలరథా లింతటా నవె
కెల్లురేగీ నిక్కి హరికీర్తి భుజములవె
పల్లపుపాతాళాన బడరో దనుజులు // అదె వచ్చె //

వెండిపైడిగుదె లవె వెంజామరము లవె
మెండగుకై వారాలు మించిన వవె
దండి శ్రీవేంకటపై దాడిముటై నదె యిదె
బడుబండై జజ్జరించి పారరోదై తేయులు // అదె వచ్చె //