అలివేణినిఁ బెండ్లాడవయా
చెలులవిన్నపము చేకొనవయ్యా

సొలపులఁ దొలితొలి చూచినచూపులు
కొలఁదిమీర నుంకువలాయ
చెలఁగి చేతులను సేసినసన్నలు
తలఁపఁగ నలుగడఁ దలఁబాలాయ

ననుపున సెలవుల నవ్విననవ్వులు
గొనకొనఁగఁ బాలకూళ్ళాయ
అనువుగ ప్రియమున నాడినమాటలు
మనసిజతంత్రపుమంత్రములాయ

వేడుకకాఁగిటివినయపుసేఁతలు
కూడినకూటపుగురులాయ
యీడనె శ్రీవేంకటేశ యేలితివి
తోడలమేల్మంగ దోమట్లాయ