అంతరంగములో నున్నహరియే గతిగాక
చింతించి మొక్కితేఁ దానే చేకొని రక్షించును

పుట్టించినకర్మమే పోషించకుండునట
బెట్టుగా మనసే మఱిపించునట
పట్టైనమేనే ఆసల బతిమాలింపించునట
చుట్టములెవ్వరు యెంచిచూచినఁ బ్రాణికిని

పక్కన విత్తినభూమి పంట పండకుండునట
యెక్కడా మాయే భ్రమయింపించునట
అక్కరతోఁ జేసినపుణ్యమే కట్టివేసునట
దిక్కు దెస యెవ్వరు యీదేహిఁ గరుణించను

ఆసలఁబెట్టేపాయమే అటమటమౌనట
సేసేసంసారమే జ్ఞానిఁ జేయునట
వేసరక యింతకూ శ్రీవేంకటేశుఁ డేలికట
మోసపుచ్చేవారెవ్వరు ముదమే జీవునికి