అవి యటు భావించినట్లాను
కవగొని యిందుకు గలగరు ఘనులు // పల్లవి //

అరయగ నేబదియక్షరములె పో
ధరలోపల నిందాస్తుతులు
సరి బురాణములు శాస్త్రవేదములు
యింపుగ పన్నియు నిండి పొడమె // అవి యటు //

వొక్కదేహమున నున్నయంగములు
పెక్కువిధములై బెరసినివి
చిక్కుల గొన్నిటి సిగ్గుల దాతురు
యెక్కువయతులకు నిన్నియు సమము // అవి యటు //

అంతరాత్మలో నంతర్యామై
బంతుల దిరిగేటిబంధువులు
చింతింప నతడే శ్రీవేంకటేశ్వరు
డింతకు గర్తని యెంతురు బుధులు // అవి యటు //