ప|| భామనోచిన నోము ఫలము సఫలముగాను | కామతాపంబునకు కాండవమునోమె ||

చ|| కొమ్మ చలిమందులకు గొంతిదామెర నోమె | కమ్మదావులకు మును గౌరి నోమె |
నెమ్మతిని కన్నీట నిండు గొలకులు నోమె | ముమ్మడించిన వగల ముచ్చింత నోమె ||

చ|| చెదరు గందంబునకు చిట్టిబొట్టు నోమె | కదియు పులకులకు మొలకుల నోము నోమె |
ముదిత మాటాడకిదె మోనదాగెలు నోమె | పొదలు చెమటలకు నినువుల నోము నోమె ||

చ|| నెలత మొగమునకు వెన్నెల మించులటు నోమె | వెలయుగాంతికి వీధివెలుగు దా నోమె |
ఎలమితోదిరు వేంకటేశుగూడి | లలితాంగి నిచ్చకల్యాణంబు నోమె ||