ప|| భావించి తెలుసుకొంటే భాగ్యఫలము | ఆవలీవలి ఫలము లంగజ జనకుడె ||

చ|| దానములలో ఫలము, తపములలో ఫలము | మోసములలో ఫలము ముకుందుడె |
జ్ఞానములలో ఫలము జపములలో ఫలము | నానా ఫలములును నారాయణుడె ||

చ|| విమతులలో ఫలము వేదములలో ఫలము | మనసులోని ఫలము మాధవుడె |
దినములలో ఫలము తీర్థ యాత్రల ఫలము | ఘనపుణ్య ఫలము కరుణాకరుడె ||

చ|| సతత యోగఫలము చదువులలో ఫలము | అతిశయోన్నత ఫలము యచ్యుతుడె |
యతులలోని ఫలము జితకామిత ఫలము | క్షితి మోక్షము ఫలము శ్రీవేంకటేశుడె ||