భోగము నేను నీకు భోగివి నీవు
శ్రీ గురుడ విన్నిటాను చిత్తగించు నన్నును ||

చక్కని జన్మపు సంసార వ్రుక్శమునకు
పక్కున ఫలము నీవు భావించగా
మక్కువ గర్మమనేటి మత్తగజమునకును
యెక్కిన మావటీడవు యెంచగ నీవు ||

నెట్టిన దేహమనేటి నిర్మల రాజ్యమునకు
పట్టమేలుచుండిన భూపతివి నీవే
దిట్టయైన చిత్తమనే తేజిగుఅమునకు
వొట్టుక రేవంతుడవు వుపమింవనీవు ||

సంతతమైన భక్తి చంద్రోదయమునకు
రంతుల జెలగు సముద్రమవు నీవు
చెంతల శ్రీవేంకటేశ జీవుడనే మేడలోన
అంతర్యామివి నీవు అంకెల జూచినను ||