ప|| బలువగు దనరూపము చూపెన్ | కలదింతయు దనఘన తెరిగించెన్ ||

చ|| పాండవ రక్షణపరుడై నరునకు | నండనే తెలిపె మహామహిమ |
దండి విడిచి తనదయతో నర్జును- | డుండగ మగటిమి నొడబడ బలికె ||

చ|| మగుడగ కులధర్మములు బుణ్యములు | తెగి పార్థున కుపదేశించెన్ |
నగుచు నతనితో నానాగతులను | నిగమమునియమమునిజ మెరిగించెన్ ||

చ|| వెరవుమిగుల నావిజయునిమనుమని | పరీక్షిత్తు దగ బ్రదికించెన్ |
తిరువేంకటగిరిదేవుడు దానై | గరిమల భారతకథ గలిగించెన్ ||