బోధింపరే యెరిగినబుధులాల పెద్దలాల
శ్రీధరునిమాయలలో జిక్కితిమి నేము.

దైవమును నొల్లము ధర్మమును నొల్లము
దావతిసంసారముతో తగులేకాని
భావపుభవవంధాలభయమూ నెరగము
వేవేలు విధులే కాని వెగిలేచి నేము.

ముందు విచారించము మొదల విచారించము
పొందేటిసతులతోడిభోగమే కాని
చెందినమనసులోని చింతలను బాయము
మందపుమదమే కాని మాపుదాకా నేము.

పరమూ దడవము భక్తి దడవము
అరిది ధనముమీది ఆసలేకాని
ఇరవై శ్రీవేంకటేశు డేలుకొనె దానే నన్ను
నిరతి నెరగనైతి నేనించుకంతాను.