చాలదా మాజన్మము నీ- |
పాలింటివారమై బ్రదుకగగలిగె ||

కమలాసనాదులుగాననినీపై |
మమకారముసేయ మార్గము గలిగె |
అమరేంద్రాదులకందరానినీ- |
కొమరైన నామము కొనియాడగలిగె ||

సనకాదులును గానజాలనినిన్ను |
తనివోవ మతిలొన దలపోయగలిగె |
ఘనమునీంద్రులకు నగమ్యమైవున్న- |
నిను సంతతమును వర్ణింపగలిగె ||

పరమమై భవ్యమై పరగిననీ- |
యిరవిట్టిదని మాకు నెఱుగంగగలిగె |
తిరువేంకటాచలాధిప నిన్ను యీ- |
ధరమీద బలుమారు దరిసింపగలిగె ||