ప|| చదివెబో ప్రాణి సకలము యీ- | చదువుమీదివిద్య చదువడాయగాని ||

చ|| సిరులు చంచలమని చేత లధృవమని | పరగుసంసారము బయలని |
తొరలినసుఖమెల్ల దుఃఖమూలమని | యెరిగి లోభమువీడ నెరగడాయగాని ||

చ|| తలకొనిధర్మమే తలమీదమోపని | వలసీనొల్లమి దైవవశమని |
కలిమియు లేమియు గడవగ రాదని | తెలిసి లోభము వీడ దెలియడాయగాని ||

చ|| యేచిన పరహితమెంతయు దమదని | వాచవులిన్ని నెవ్వగలని |
యీచందమున వేంకటేశుచేతలని | చూచి లోభమువీడ జూడడాయగాని ||