చేరి యశోదకు శిశు వితడు
ధారుణి బ్రహ్మకు తండ్రియు నితడు

సొలసి చూచినను సూర్యచంద్రులను
లలి వెదచల్లెడులక్షణుడు
నిలిచిననిలువున నిఖిలదేవతల
కలిగించు సురలగనివో యితడు ||చేరి యశోదకు||

మాటలాడినను మరియజాండములు
కోటులు వోడమేటిగుణరాశి
నీటగునూర్పుల నిఖిలవేదములు
చాటువనూ రేటిసముద్ర మితడు ||చేరి యశోదకు||

ముంగిట జొలసిన మోహన మాత్మల
బొంగించేఘనపురుషుడు
సంగతి మావంటిశరణాగతులకు
నంగము శ్రీవేంకటాధిపు డితడు ||చేరి యశోదకు||