చేసినట్టే సేసుగాక చింత మాకేలా
వాసీ వంతూ నతనిదే వట్టిజాలియేలా

కర్మమూలమైనవి యీకాయపువ ర్తనలెల్లా
ధర్మమూలమైనది యీ దైవికము
మర్మమైనవా డొక్కడే మనసులోనున్న హరి
నిర్మిత మాతనిదింతే నేర నే నెంతవాడ

ధనమూలమైనది యీతగినప్రపంచ మెల్లా
తనువుమూలమైనది యీతపసులెల్లా
ననిచి యీరెంటికిని నారాయణుడే కర్త
కొనమొద లాతనిదే కొసరు మాకేల

భోగమూలమైనది యీపొందైనసంసారము
యోగమూలము విరతి కొక్కటైనది
యీగతి శ్రీవేంకటేశు డెట్టువలసిన జేసు
బాగులుగా నీతనిశ్రీపాదమే మాదిక్కు