చెలగి నా కిందుకే చింతయ్యీని
తెలిసినదాకా నిది ద్రిష్టమయ్యీనా.

హరి పుట్టించినదేహి హరినే కొలువక
నరుల గొలుచుట అన్యాయమయ్యా
గరిమ నేరు గుడిచి కాలువ బొగడబోతే
యెరవెరవేకాక యితవయ్యీనా.

దేవుడిచ్చినట్టిబుద్ది దేవునిపయి బెట్టక
భావ మింద్రియాలకియ్య బాపమయ్యా
జీవిత మొకరిసొమ్ము జీవించి యొకరివెంట
ఆఅవల బరువులిడు టందమయ్యీనా.

అరిది శ్రీవేంకటేశు డంతరాత్మయి వుండగాను
శరణనకుండుటనాచారమయ్యా
ధర దనయింట గోటిధన మట్టేవుండగాను
మరలి తిరియబోతే మట్టుపడీనా.