ప|| చెల్ల నెక్కికొంటివిగా జీవుడ యీబలుకోటా | బల్లిదుడ నీకు నేడు పట్టమాయ గోటా ||

చ|| తొమ్మిదిగవనులై న దొడ్డతోలు గోటా | కొమ్మలచవులమూలకొత్తళాలకోటా |
వమ్ములేనిమెడవంపువంకదారకోటా | పమ్మి పగవారినెల్లా పట్టుకొన్న కోటా ||

చ|| తలవాకిలిదంతపుతలపులకోటా | తలిరుజేతుల పెద్దదంతెనాలకోటా |
వెలియాసలనేదండువిడిసినకోటా | గులుగై యింద్రియములు కొల్లగొన్న కోటా ||

చ|| నడచప్పరములనేనలువైనకోటా | జడిసినచెవుల మించుసవరణకోటా |
పడనిపాట్ల బడి ఫలియించె గోటా | యెడమిచ్చి శ్రీవేంకటేశు డేలె గోటా ||