ప|| చెల్లుగా కిట్టు నీకే చింతింపగా పూరి- | పుల్ల మేరువుసేయ భూమిలో నిపుడు ||

చ|| చెలగి నే మునుసేసినచేత లుండగా | మలసి నే తిరుగుతిమ్మట లుండగా |
తొలగదోసి తుప్పుడుతోడనే లోహంబు | వెలయ బంగారుగావించినగతిని ||

చ|| బిగిసి నామైనున్న పెనుకట్లుండగా | జగడగాండ్లు పగచాటగను |
జిగిగలచేతి ముసిడికాయయగు నన్ను | మొగి గల్పకముఫలముగ జేయవసమా ||

చ|| పొదలిన యింద్రియంబులు వెంట రాగా | మదవికారము నే మరుగగానే |
వదలక వేంకటేశ్వర నన్ను నిదే నీ- | పదపంకజములు చేర్పగ నిది వసమా ||