పల్లవి:

చిక్కువడ్డపనికి జేసినదే చేత
లెక్కలేనియప్పునకు లేమే కలిమి

చరణం:

తగవులేమి కెదిరిధనమే తనసొమ్ము
జగడగానికి విరసమే కూడు
తెగుదెంపులేమికి దీనగతే దిక్కు
బిగువుగూటికి వట్టిబీరమే తగవు

చరణం:

చిక్కు

చరణం:

పతిలేనిభూమికి బలవంతుడే రాజు
గతిలేనికూటికి గన్నదే కూడు
సతిలేనివానికి జరగినదే యాలు
కుతదీరుటకు రచ్చకొట్టమే యిల్లు

చరణం:

చిక్కు

చరణం:

యెదురులేమికి దమకేదైనదలపిది
మదమత్తునకు దనమఱపే మాట
తుదిపదమునకు జేదొడై నవిభవము
పదిలపుశ్రీవేంకటపతియే యెఱుక

చరణం:

చిక్కు