చింతలు రేచకు మమ్ము చిత్తమా నీవు
పంతముతో మముగూడి బతుకుమీ నీవు.

తల్లి శృఈ మహాలక్ష్మి తండ్రి వాసుదేవుడు
ఇల్లు మాకు బ్రహ్మాండమింతా నిదె
జల్లిదపుహరిభక్తి పాడీ బంటా నాకు
వొల్లము కర్మఫలము లొకటి నేము.

జ్ఞానమే మాకు ధనము సర్వవేదములు సొమ్ము
పూనినవైరాగ్యమే వుంబళి మాకు
ఆనినగురుసేవలు ఆడుబిడ్డలు నాకు
మేనితోనే తగులాయ మేలు మాకు జేరెను.

యేలికె శ్రీ వేంకటేశు డింటిదేవపూజ మాకు
పాలుగలబంధువులు ప్రపన్నులు
కీలు మాకు నీతని సంకీర్తన మోక్షమునకు
యేల ఇంకా మాకు నేమిటితో గొడవ.