ప|| చిత్తజు వేడుకొనరే చెలియలా | తత్తరించి పతిమీది తలపోత నున్నది ||

చ|| అతివపై మదనుడు అనలాస్త్ర మేయబోలు | కతలుగ విరహాగ్నిగాగీనదే |
యితవుగా వరుణాస్త్ర మేయబోలు నప్పటిని | తతి జెమటవానల దడియుచునున్నది ||

చ|| అమరగ నంతలో వాయవ్యాస్త్రమేయబోలు | వుమరబడి నిట్టూర్పులొగి రేగెను |
జమళిగూడగ నట్టె శైలాస్త్రమేయబోలు | భ్రమసి చనుగొండలు బాయిటగాన్పించెను ||

చ|| మునుకొని పంతాన సమ్మోహనాస్త్రమేయబోలు | మనసు పరవశాన మరపందెను |
అనిశము రక్షగా నారాయణాస్త్రమేయబోలు | ఘన శ్రీవేంకటేశుడు కాగిటిలోగూడెను ||