ప|| చిత్తమెందుండెనో యంటా సిబ్బితిపడే నేను | కొత్తలేమిగలిగినా గోరి తెలుసుకొమ్మీ ||

చ|| నివ్వటిల్లి కొలువరో నీవున్న భావము చూచి | యెవ్వతె యేమాడునో యేమి సేసునో |
పువ్వువలె బొదుగుదు భోగించువేళ నేను | నవ్వుల నీ మైరేకలు నావిగావు సుమ్మీ ||

చ|| వూరు వారి సొమ్ములెల్ల నొగిబెట్టుక రాగాను | యేరీతి నున్నాడవో నాకెట్టు దెలుసు |
నేరుపుతో సింగారింతు నీ మేను సోకేటి వేళ | భారపు దండలు నాకు బనిలేదు సుమ్మీ ||

చ|| సందడి నీ మోమునకు సరికళలు రేగెను | యెందు గలదో మోహమెరుగుదునా |
పొందితి శ్రీ వేంకటేశ పొరపొచ్చెము లేకుండ | విందుల నీ మోవితేనె వేరుసేయసుమ్మీ ||