ప|| చక్కదనముల వారసతులార | యెక్కువ తక్కువల మీరు ఏందుబోయేరికను ||

చ|| ఒప్పుగా నరకము మాకు బలిచ్చి మనమెల్ల | కప్పము గొంటిరిగా అంగనలార |
అప్పుడే గోవిందునికి ఆహివెట్టితి జిత్తము | యిప్పుడు యెమ్మెల మీరేమి సేసేరికను ||

చ|| పంచమహా పాతకాలబారి దోసి మాసిగ్గులు | లంచము గొంటిరిగా నెలతలారా |
వంచనతోడుత హరివారమైతి మికమీ- | యించుక గుట్టుల మీరెందు జొచ్చేరికను ||

చ|| దొంగిలి మాగుట్టులెల్ల దోవ వేసి మరుబారి | భంగ పెట్టితిరిగా వో భామలార |
చెంగలించి వెంకటేశు సేవకు జొచ్చితిమి | యెంగిలి మోపులను మీరేడబడే రికను ||