పల్లవి:

చంచలపడగ వద్దు సారె సారె గోరవద్దు
పొంచుకున్న దైవమే బుద్దులు నేర్పీని

చరణం:

లోకరక్షకుడు నాలోననే వున్నాడిదే
నాకు నభయములిచ్చి నన్ను గాచుమ
శ్రీకాంతు డీతడే నాచిత్తములొ మలసీని
దాకొని శుభములెల్లా దానే వొసగును

చరణం:

చంచ

చరణం:

పరపురుషుడు నాప్రాణనాథుడైనాడు
పరగ నాపాలివాడై బ్రదికించును
ధరణీశు డీతడే నాదాపుదండైల్ కడగీని
నిరతి నేపొద్దును మన్నించును మమ్మెపుడు

చరణం:

చంచ

చరణం:

శ్రీ వేంకటేశుడు నా జిహ్వ దగిలి వున్నాడు
పావనుని జేసి నాకు ఫల మిచ్చును
గోవిందు డీస్వామి నన్ను గొలిపించుకొన్నవాడు
యీవలనావల నాకు నిహపరా లిచ్చును

చరణం:

చంచ ||