ప|| చూచే చూపొకటి సూటి గురి యొకటి | తాచి రెండు నొకటైతే దైవమే సుండీ ||

చ|| యేనుగ దలచితే యేనుగై పొడచూపు | మాను దలచిన నట్టే మానై పొడచూపు |
పూని పెద్దకొండ దలపోయ గొండై పొడచూపు | తానే మనోగోచరుడు దైవమే సుండీ ||

చ|| బట్టబయలు దలచ బయలై పొడచూపు | అట్టె యంబుధి దలచ నంబుధియై పొడచూపు |
పట్టణము దల్చిన పట్టణమై పొడచూపు | తట్టి మనోగోచరుడు దైవమే సుండీ ||

చ|| శ్రీ వేంకటాద్రిమీది శ్రీపతి దలచితేను | శ్రీవేంకటాద్రిమీది శ్రీపతై పొడచూపు |
భావమే జీవాత్మ ప్రత్యక్షము పరమాత్మ | తావు మనోగోచరడు దైవమే సుండీ ||