ప|| చూచితి దనసరిత సుద్దు లేటికో యమ్మ | చేచేత నిక బొంక జెల్లదో యమ్మ ||

చ|| జడిసి లోతుమాటల జాణతనా లాడీ నన్ను | తడివితే దలదీసి తక్కించీ నమ్మ |
చిడుముడి చిల్లరపు సేతల మమ్ము జెనకీ | పడుచు మాటల వాని పసయేమిటమ్మా ||

చ|| ఆ రీతి నాఱడి బెట్టి యంతలో నడుగుకొనీ | గోర బొయ్యేదాని కింత గొడ్డ లేలమ్మ ||
సారెకు మాట పట్లు సాధించి నడచీని | తీరకుండా జగడాలు తిద్ద బొయ్యీ నమ్మా ||

చ|| పొందుగాని తమకాల బోధించ వచ్చీని | యిందరిలో నెక్కుడాయనిక నేలమ్మా |
అందపు శ్రీ వేంకటేశుడాదరించి కూడెనన్ను | నింద లెల్ల బాసె నెమ్మదినే యమ్మా ||