చూడ జూడ మాణిక్యాలు చుక్కలవలె నున్నవి
యీడులేని కన్నులెన్నులవె యినచంద్రులు ||

కంటి గంటి వాడె వాడె ఘనమైనముత్యాల
కంటమాలలవే పదకములు నవె
మింటిపొడవై నట్టిమించుగిరీటం బదె
జంటల వెలుగు శంఖచక్రాలవె ||

మొక్కు మొక్కు వాడె వాడె ముందరనే వున్నాడు
చెక్కులవే నగవుతో జిగిమోమదె
పుక్కిట లోకములవె భుజకీర్తులును నవె
చక్కనమ్మ అలమేలు జవరాలదె ||

ముంగైమురాలును నవె మొల కఠారును నదె
బంగారునిగ్గులవన్నె పచ్చబట్టదె
ఇంగితమెరిగి వేంకటేశుడిదె కన్నులకు
ముంగిట నిధానమైన మూలభూత మదే ||