చూపజెప్పగలభక్తసుజనుడవు మాకు
దాపైనహరి యిట్టె తప్పె దారెననక

కోరి పాండవులయింట గూర లారగించినట్టు
సారపుశబరివిందు చవిగొన్నట్టు
వూరకే మా యింట నీవు వొదవినపాటి నీ
వారగించవయ్య చవు లౌగాములెంచక

తొల్లియు రేపల్లె గొల్లదోమటి దొడికినట్టు
తల్లి అనసూయపాల దనిసినట్టు
చిల్లరైనమాయింట జేసినపా టారగించు
చల్లతోడిబొనమైన చాలు జాలదనక

అంకెల శ్రీవేంకటాద్రి నారగించినయట్టు
కొంకులేక సిరితోడ గోనేటిరాయ
లెంకనయిననాయింటిలేశమైన నారగించు
అంకిమ్చి నీనాలోనిఅంతరము లెంచకా