ప|| చూతమే యీ సంతోసాలు సొరిదినుండి | ఐతేనేమే సవతుల మది మనమేలే||

చ|| సతి తిట్టులతనికి చవులై వుండగాను | మతిలోన వగవగ మనకేల |
యితవై యీపె గుంపెన కితడు లోగుచుండగా | కుతిల కుడువ నేలే కొమ్మలాల మనము ||

చ|| ఆపెసేసే ఉద్దండాలు ఆతడోరుచుకుండగా | కోపమేలే మనకును కోపులనుండి |
వోపి యాలియాజ్ఞ మగడొట్టి జవదాటడు | ఆపసోపాలేలే మనమందరిలో వారము ||

చ|| కొంగాపెవట్టి తియ్యగా కూచుండాతడు లోగాగా | పంగించనేలే మనము పలుమారును |
యెంగిలిమోవిచ్చె నాపె యెనసి శ్రీ వేంకటేశు | డంగదేలేయేలిద్దరట్టే మనములను ||