ప|| దైవమా నీకు వెలితా తలపువెలితేకాక | వేవేలు కర్మల వేసారగవలనె ||

చ|| హరియంటే బాపేటి అన్నిపాపాలు సేసిన | పొరినందుపై నమ్మిక పుట్టుదుగాక |
నరసింహాయంటే వచ్చే నానాపుణ్యాలకు | తిరముగా ఋణములు దీర్చుకొనగలనా ||

చ|| దేవ జగన్నాథయంటే తెగనిజన్మములేవి | కైవశము నామనసు గాదుగాక |
గోవిందయనియంటే గూడని పదవులేవి | కావిరిగాలమూరకె కడపేము నేము ||

చ|| వేదనారాయణయంటే వీడేటి బంధములు | ఆదిగా మూడులోకాలనైనా నున్నదా |
శ్రీదేవిపతియైన శ్రీవేంకటేశ్వరుడా | యేదెసా నీవే నన్ను యీడేర్తువుగాక ||