ప|| దైవమా పరదైవమా | యేవగింతలు నాకు నెట్టు దెచ్చేవో ||

చ|| పాపకర్ముని దెచ్చి పరమియ్యదలచిన | మేపులకే పోక మెయికొనీనా |
తీపులు రూపులు దివిరి నావెనువెంట- | నేపొద్దు నీవేడ దెచ్చేవో ||

చ|| అధమాధముని దెచ్చి యధికుని జేసేనంటే | విధినిషేధములు వివరించునా |
నిధినిధానములు నిచ్చనిచ్చలు బెక్కు- | విధముల నెటువలె వెదచల్లెదవో ||

చ|| అతికష్టుడగునాకు నలవిగానియీ- | మత మొసగిన నేను మరిగేనా |
ప్రతిలేని వేంకటపతి నీదునామా- | మృత మిచ్చి నను నీవే మెరయింతుగాక ||