ప|| దైవము పుట్టించినట్టి తనసహజమే కాక | కోవిదునికైనా జాలిగుణమేల విడుచు ||

చ|| ఆరయ బంచదార నద్దుక తినబోతే | చేరరానిముష్టిగింజ చేదేల మాను |
సారమైన చదువులు సారె సారె జదివినా | గోరపుదుష్టునికి కోపమేల మాను ||

చ|| నిప్పు దెచ్చి వొడిలోన నియమాన బెట్టుకొంటే | యెప్పుడును రాజుగాక యిది యేల మాను |
ముప్పిరి బాతకుడైనమూఢు డెన్నియాచారాలు | తప్ప కెంతసేసినాను దయయేల కలుగు ||

చ|| యింటిలోన గొక్కు దెచ్చి యిరవుగ బెట్టుకొంటే | దంటయై గోడలు పడదవ్వ కేలమాను |
గొంటరై శ్రీవేంకటేశు గొలువకుండినవాడు | తొంటిసంసా రవుగాక దొర యేటికౌను ||