దేవ నీదయ యెంతునో దివ్యసులభ మెంతునో
కావించి అంటగటుక కాచుకుండె విదివో

వెదక నావసమా వేగుదాకా నిన్ను నేను
కదిసి నీమూరితి కానవసమా
యెదుట శంఖుచక్రాల యెట్టిదైవమ నేనని
పొదుగుచు నీకునీవే పొడచూపేవుగాక

పొగడ నావసమా పురుణించి నీగుణాలు
తగుల నావసమా నీతలపెఱిగి
విగిడి వేదశాస్త్రాల నిన్ను నీవే చెప్పుకొని
పగటుమాయజ్ఞానము పాపే వింతేకాక

కొలువ నావసమా గుఱుతెఱిగి నీవెంట
చెలగి నాచేతుల బూజించవసమా
నిలిచి శ్రీవేంకటేశ నీవే నాయదలో నుండి
మలసి పెరరేపుచు మన్నించేవుగాక