ప|| దేవ నీవిచ్చేయందుకు దీనికిగా నింతయేల | యేవేళ మాయెరుకలు యెందుకు గొలుపును ||

చ|| యెవ్వరివసములు బుద్దెరిగినడచేమన | యివ్వల నారాయణ నీవియ్యక లేదు |
దవ్వుచేరువ మనసుతనయిచ్చయితే గనక | రవ్వగ మృగాదులెల్ల రాజ్యమేలనేరవా ||

చ|| సారెకు నిన్నుదలపించ జంతువులవసమా | కేరి నీవు జిహ్వ బరికించగాగాక |
యీరీతి లోకమెల్లా దమయిచ్చకొలదులనయితే | దూరాన గొక్కెరలు చదవవా వేదాలు ||

చ|| యిందరిపాపపుణ్యాలు యిన్నియు నీచేతలే | కందువ స్వతంత్రులు గారు గాన |
చందపుశ్రీవేంకటేశ శరణంటి నిదె నీకు | చెంది నీవే కాతువుగా చేతలూను వలెనా ||