దొరకె మాపాలికి గందువయర్థము
దరిదాపైయుండినతత్వార్థము

తిరముగ నల్లదీవి దెచ్చినయర్థ మిదివో
విరజవోడరేవున వెళ్ళినర్థము
పరమభాగవతులు పాతినర్థ మిదివో
పురుషోత్తముడనేటిపురుషార్థము

చందపువేదముల శసనము వేసినర్థము
ముందు సముద్రలకెల్లా మొదలర్థము
అందరియాత్మలనేటిఅంగళ్ళలోనియర్థము
యెందు సహస్రనామపుటెన్నికర్థము

కొలచి బ్రహ్మాండముల కొప్పెరలోనర్థము
యిల నిహపరముల కెక్కినర్థము
యెలమి హీనునినైన యెక్కుడుసేసేయర్థము
అలరి శ్రీవేంకటేశుడైనయర్థము