ఎచ్చోటికేగిన యెప్పుడూ దమలోని
మచ్చిక పెనుదెవులు మానకపోయె ||

పాయపు సతుల గుబ్బల పెదపొట్లాల
కాయము వడి నొత్తి కాచగాను
రాయిడిచే ఘనమాయగాని లోని
మాయపు పెనుదెవులు మానకపోయె ||

అతివల మోహపుటధరామృతములు
యితవుగ నోరి కందియ్యగను
అతిమోహమే ఘనమాయగాని లోని
మతకరి పెనుదెవులు మానకపోయె ||

తరుణుల మేనిమెత్తని పరపులమీద
నిరవుగ నిటు సుఖియించగను
తిరువేంకటాచలాధీశు కృపచేగాని
మరుచేతి పెనుదెవులు మానకపోయ ||