ఏల మోసపోయిరొకో యెంచి యాకాలపువారు
బాలకృష్ణునిబంట్లై బ్రదుకవద్దా ||

పసులగాచేవాని బ్రహ్మ నుతించెనంటేను
దెసలదేవుడేయని తెలియవద్దా
సిసువు గోవర్ధనాద్రి చేతబట్టి యెత్తెనంటే
కొసరీతని పాదాలే కొలువవద్దా ||

నరునికి విశ్వరూ పున్నతి జూపెనంటేను
నరహరి యితడని నమ్మవద్దా
పరగ జక్రముచేత బాణుని నఱకెనంటే
సొరి దీతని శరణుచొఱవద్దా ||

అందరుసురలలోన నగ్రపూజ గొన్నప్పుడే
చెంది యీతనికృపకు జేరవద్దా
అంది శ్రీవేంకటేశు డట్టె ద్రిష్టదైవమంటే
విందుల బరులసేవ విడువవద్దా ||