ఏల సమకొను సుకృత మెల్లవారికి మహా
మాలిన్యమున నాత్మ మాసినదిగాన ||

కలికాలదోషంబు కడావరానిదిగాన
తలపుదురితముల కాధారంబుగాన
బలుపూర్వకర్మములు పట్టరానివిగాన
మలమూత్రజన్మంబు మదకరముగాన ||

రాపైనగుణ వికారములు బహుళముగాన
ఆపరానివి యింద్రియంబు లటుగాన
దాపరంబగుమమత దయదలంపదుగాన
కాపురముచే నాస కప్పుకొనుగాన ||

హృదయంబు చంచలం బిరవుగానదుగాన
చదువు బహుమార్గముల జాటు నటుగాన
యెదరనుండెడు వేంకటేశ్వరుని నిజమైన
పదముపై కోరికలు పైకొనవుగాన ||