ఏలోకమందున్నా నేమీ లేదు
తాలిమి నందుకుదగ్గదావతేకాని ||

సురల కసురలకు సూడునుబాడునే కాని
పొరసి సుఖించగ బొద్దు లేదు
ధరలో ఋషులకును తపము సేయనేకాని
మరిగి భోగించగ మరి పొద్దు లేదు ||

గక్కన సిద్దులకైనా గంతయు బొంతయేకాని
చిక్కిపరుసము గలిగి నెలవులేదు
రెక్కలు గలపక్షికి రేసుతిమ్మటలేకాని
చక్క వైకుంఠాన కెగయ సత్తువ లేదు ||

సకల జంతువులకు జన్మాదులేకాని
అకటా నిత్యానంద మందలేదు
వెకలి శ్రీవేంకటేశు విష్ణుదాసులకే మంచి
సుకములెల్లా గలవు సుడివడలేదు ||