ఏలవచ్చీ యేలపోయీ నెందుండీ బ్రాణి
తోలుతిత్తిలోన జొచ్చి దుంక దూరనా ||

పుట్టులేక నరకాలపుంగుడై తానుండక యీ
పుట్టుగున కేల వచ్చీ పోయీ బ్రాణి
పుట్టుచునే కన్నవారి బుట్టినవారి నాసల
బెట్టిపెట్టి దుఃఖముల బెడరేచనా ||

భూతమై యడవిలో బొక్కుచు దానుండక యీ
బూతుజన్మమేల మోచె బుచ్చినప్రాణి
రాతిరిబగలు ఘొరపుబాటు వడిపడి
పాతకాలు చేసి యమబాధబడనా ||

కీటమై వేంకటగిరి కిందనైన నుండక యీ
చేటువాటుకేల నోచె చెల్లబో ప్రాణి
గాటమైనసంపదల కడలేనిపుణ్యాల
కోటికి బడగెత్తక కొంచెపడనా ||