ఏమైనా నను యెదురాడనేను
దీమసంబుతో దెలిసితి నేను ||

యెక్కుడు మాట నేనేమని యాడిన
పెక్కసురాలని విసుగుదువు
యెక్కుచు నీ పాదములు చూచుక ఇటు
వొక్కట నూరకయుండెద నేను ||

పంతంబున నే బైకొని నవ్విన
అంతరట్టదని యాడుదువు
చెంత నూడిగముసేసుక నీ కిట్టి
చింతదీర కడు చెలగెద నేను ||

అలమి నిన్నురతి నలయించినను
బలిమితోదిదని పలుకుదువు
యెలమిని శ్రీవేంకటేశ్వర కూడితి
మొలగినట్లనే మెచ్చెద వేను ||