ఏమీ నెఱగనినా కేడపుణ్యము
తామసుండజుమ్మీ ముందరనున్న దైవమా ||

పాతకపుజేతలనే పట్టి నిన్ను బూజించు
ఘాతకుడ నాకు నెక్కడిపుణ్యము
చేతనము బోదిసేయుచిత్తము నీదేకాన
రాతిబొమ్మజుమ్మీ భారము నీది దైవమా ||

పూనినయెంగిలినోర నొప్పగునిన్ను బొగడు
హీనజంతువునకు నా కేటిపుణ్యము
తేనెపూసి నీవిట్లా దిప్పగానే తిరిగేటి
మానిబొమ్మజుమ్మీ నామతిలోని దైవమా ||

జాలిబడి సంసారజలధిలో మునిగేటి
కూళడ నాకేటితేకువపుణ్యము
పాలువోసి పెంచిన నాపాలివేంకటేశ నే
తోలిబొమ్మజుమ్మీ కాతువుగాని దైవమా ||