ఏమీనెరుగనిమమ్ము నెక్కువసేసి
పామరుల దొడ్డజేసె భాష్యకారులు ||

గతచన్నవేదాలు కమలజునకు నిచ్చి
ఆతనికరుణచేత నన్నియుగని
గతిలేకపోయిన కలియుగమున వచ్చి
ప్రతిపాలించగలిగె భాష్యకారులు ||

లోకమెల్ల వెల్లిబోగ లోననే సురల గాచి
ఆకుమీద దేలినయతనికృప
కాకరిమతములెల్ల గాలిబుచ్చి పరమిట్టే
పైకొనగ గరుణించె భాష్యకారులు ||

పంకజపుజేయి చాచి పాదపుబరమిచ్చిన
వేంకటేశుకృపతోడ వెలయు దానే
తెంకినే వొడయవరై తిరుమంత్రద్వయాన
పంకమెల్ల బోగడిగె భాష్యకారులు ||