ఏమిసేసిన నీరుణ మెట్టు వాసును
కామితఫలద వోకరుణానిధి ||

చేరి కర్మములు నన్ను చెఱువట్టకుండగాను
పేరువాడి వచ్చి విడిపించుకొంటివి
సారె తగవట్టె కాదా శక్తిగలవారెల్లా
నారయదీనుల గంటే నడ్డమై కాతురు ||

అరులు పంచేంద్రియము లందు నిందు దియ్యగాను
వెరవుతోడ వెనక వేసుకొంటివి
పరగ నట్టేకాదా బలుపులైనవారు
అరయ బేదలకైన ఆపద మానుతురు ||

పలుజన్మములే నన్ను పరి అరికొట్టుకోగా
తొలగదోసి నాకు దోడైతివి
యెలమి శ్రీవేంకటేశ యిల శూరులైనవారు
బలుభయ మిందరికి బాపుచుందురు ||