ఏమిసేతువు దేవదేవ యింతయును నీమాయ
కామినుల జూచిచూచి కామించె భవము ||

చంచలపు గనుదోయి సతులబారికి జిక్కి
చంచలమందెను నాదిచ్చరిమనసు
కంచుగుత్తికలవారి గానములజొక్కిచొక్కి
కంచుబెంచునాయబో నాకడలేనిగుణము ||

తీపులమాటల మించి తెరవలభ్రమ దరి
తీపులపాలాయబో నాతెలివెల్లాను
పూపలనవ్వులతోడి పొలతుల జూచిచూచి
పూపలుబిందెలునై పొల్లువోయ దపము ||

కూటమి సతులపొందు కోరికోరి కూడికూడి
కూటువ నావిరతెందో కొల్లబోయను
నీటున శ్రీవేంకటేశ నినుగని యింతలోనె
జూటరినై యింతలోనె సుజ్ఞానినైతి ||