ఏమో తెలిసెగాని యీజీవుడు
నేమంపునెరవిద్య నేరడాయ ||

కపటాలె నేరిచెగానీ జీవుడు
యెపుడైనా నిజసుఖ మెరుగడాయ
కపురులే చవిగొనెగానీ జీవుడు
అపరిమితామృత మానడాయ ||

కడలనే తిరిగీగానీ జీవుడు
నడుమ మొదలు జూచి నడవడాయ
కడుపుకూటికే పోయీగానీ జీవుడు
చెడనిజీతముపొంత జేరడాయ ||

కనియు గానకపోయగానీ జీవుడు
దివము వేంకటపతి దెలియడాయ
కనుమాయలనె చొక్కెగానీ జీవుడు
తనియ నిట్టే మంచిదరి జేరడాయ ||