ఏపనులు సేసినా నిటువలెనేపో |
యీపనికి జొరనిపని యేటిలోపైరు ||

హరికథలమీదిప్రియమబ్బేనా తొంటితమ- |
పరిపక్వమగుదపఃఫలముగాక ||
గరిమె నివిలేకున్న గలకాలములు జేయు- |
నిరతంపు దపమెల్ల నీటిపై వ్రాత ||

నారాయణునిభక్తి ననిచెనా ధనమెల్ల |
బారజల్లిన దానఫల మదియపో |
కోరి యిది లేకున్న కోటిదానములైన |
పేరుకొన వరతగలపినచింతపండు ||

వదలకిటు వేంకటేశ్వరుడే దైవంబనుచు |
జదువగలిగిన మంచిచదు వదియపో |
పదిలముగ నీవిధము పట్టియ్యకుండినను |
చదువు లసురలు మున్ను చదివేటిచదువు ||