ప|| ఘనమనోరాజ్యసంగతి చెలగినగాని | జనులకెప్పుడు నాత్మ సౌఖ్యంబు లేదు ||

చ|| ప్రతిలేని ధైర్యంబు పదిలపరచినగాని | మతిలొనిపగవారిమద మణపరాదు |
మితిలేనినిశాంతమను మేటికైదువగాని | కృతకంబువిషయముల గేలుపెరుగరాదు |

చ|| సొరిది నిర్మొహమనుజోడు దొడిగినగాని | వెరపుడిగి మమతచే వెళ్ళబడరాదు |
యిరవై నవిజ్ఞానపింట నుండినగాని | అరసి జగమెల్ల తానై యేలరాదు ||

చ|| యిన్నియును దిరువేంకటేశు డిచ్చినగాని | తన్నుదానెరిగి యాతని గొలువరాదు |
కన్నులను వెలి లోను గలయజూచినగాని | సన్నంబుఘనమనెడిజాడ గనరాదు ||