ప|| ఘనుడాతడే మము గాచుగాక హరి | అనిశము నేమిక నతనికె శరణు ||

చ|| యెవ్వని నాభిని యీ బ్రహ్మాదులు | యెవ్వడు రక్షకుడిన్నిటికి |
యెవ్వని మూలము యీ సచరాచర | మవ్వల నివ్వల నతనికే శరణు ||

చ|| పురుషోత్తముడని పొగడి రెవ్వరిని | కరి నెవ్వడు గాచె |
ధర యెవ్వడెత్తి దనుజుల బొరిగొనె | అరుదుగ మేమిక నతనికె శరణు ||

చ|| శ్రీసతి యెవ్వని జేరి వురమునను | భాసిల్లె నెవ్వడు పరమంబై |
దాసుల కొరకై తగు శ్రీవేంకట | మాస చూపి నితడతనికె శరణు ||