ప|| హరి గొలిచియు మరీ నపరములా | తిరముగ నతనినే తెలియుటగాకా ||

చ|| పంకజనాభునిపాదములు దలచి | యింకా మరియొక యితరములా |
అంకెల నతనివే ఆతనిదాసులనే | కొంకొక నిజముగ గొలుచుటగాకా ||

చ|| పన్నగశయనునిబంట్లకు బంటై | కొన్నిటిపై మరి కోరికెలా |
యిన్నికోరికలు యిదియే తనకని | కొన్నదికోలై కోరుటగాకా ||

చ|| వీనుల వేంకటవిభునామామృత- | మూనిన మతి మరియును రుచులా |
తేనెలుగారెడితీపు లతనినుతి | నానారుచులై ననుచుటగాకా ||